Яг одоо таны шүүгээнд байх ёстой хувцас: Дөрвөлжин хээтэй ноосон загварууд

Хүйтний эрч нэмэгдэх хэрээр бид аль болох тав тухтай, зөөлөн хувцас өмсөхийг илүүд үзэж бүтээлэг, нөмрөг, хөнжил зэрэг хөвсгөр дулаан бүхнээр өөрийгөө ороохыг хүсдэг билээ. Аз болж энэ оны намар-өвлийн улиралд дизайнерууд бүтээлэг, хивс, алчуур мэт харагдах зузаан, зөөлөн материалаар хийсэн загваруудыг тренд болгосон бөгөөд тэр дундаас plaid буюу дөрвөлжин хээтэй ноосон загваруудыг хүн бүрийн шүүгээнд зайлшгүй байх ёстой "must-have item" хэмээн зарласан билээ. Зөвхөн цамц төдийгүй куртка, юбка, даашинз, пальто гээд бүх хувцсаа plaid материалтай байхаар сонгосон ч болно.