2016 оны Оскарын шагнал гардуулах ёслолын улаан хивсний зочид
88 дах удаагийн
Кино урлагт дурлагсдын хүсэн хүлээсэн өдөр ирлээ. Яг одоо Лос Анжелес хотноо Оскарын шагнал гардуулах 88 дах удаагийн ёслол үргэлжилж байгаа. Тун удалгүй Леонардo ДиКаприо алдарт шагналыг авах эсэх нь тодорхой болно. Леогийн шүтэн бишрэгчид болон кино шүүмжлэгчид түүнийг шагнал хүртэнэ гэх өндөр хүлээлттэй байгаа билээ. Алехандро Иньяриттугийн The Revenant кино ч мөн "Шилдэг кино" шагналыг хүртэх магадлалтай. Гэвч маш хүчтэй кинонууд нэгэн талбарт өрсөлдсөн. Том МакКартигийн Spotlight кино наадмуудаас бүхий л шагналуудыг хүртсэн бол одоо хамгийн чухал Оскарын шагналыг гардах эсэх нь тодорхойгүй байна. Бас нэгэн хүчтэй өрсөлдөгч байгаа нь Оскарын шагналын 10 төрөлд нэр дэвшсэн Жорж Миллерын Mad Max: Fury Road кино юм.
Харин Холливүүдын үзэсгэлэнт бүсгүйчүүдээс Кейт Бланшетт, Бри Ларсон, Женнифер Лоуренс болон Шарлотта Рэмплинг нар "Шилдэг эмэгтэй жүжигчин" шагналд нэр дэвшсэн. Шагналтнууд тодрохоос өмнө улаан хивснээ гялалзсан оддыг харцгаая.
