Dior Poison Girl сүрчигний Парист болсон нээлтийн үдэшлэг
Шинэ үнэртэнд зориулж
Christian Dior Парист от кутюр цуглуулгаа танилцуулаад тогтохгүй мөн Poison Girl нэртэй шинэ үнэртэн гаргалаа
Christian Dior загварын ордны домогт Poison сүрчгийн залуу охидод зориулагдсан шинэ Girl гэх хувилбараа гаргалаа. Шинэ үнэртний нүүр царайгаар Франц модель Камиль Роу тодорчээ. Тэрбээр өмнө нь Dior Homme сурталчилгаанд Роберт Паттинсоны хамт тоглож байсан юм.
Камиль Роу Dior-ын сүрчгийн мэргэжилтэн Франсуа Демаршигийн хамт зочдод шинэ Poison Girl сүрчгээ танилцуулсан байна. Зочдоос дурдвал Эмилин Валаде, Мирослава Дума, Кэролайн Вриланд, Нуми Рапас болон бусад алдартнууд цугларчээ.
Парист болсон үдэшлэгийн үеэр мөн Poison Girl-д зориулан Нью-Йоркийн найруулагч So Me-гийн бүтээсэн мини киног үзүүлсэн байна. Энэхүү мини киног тун удахгүй олон нийтэд дэлгэх аж.
