Нандин дурсамжийг тань бүтээлцэх Pandora брэнд Монголд ирлээ

Өнгөрөгч лхагва гарагт буюу арванхоёрдугаар сарын 26-ны өдөр Шангри-Ла төвд гоёл чимэглэлд дурлагч бүсгүйчүүдийн анхаарлыг ихэд татсан онцгой үйл явдал болсон нь алдарт Pandora брэндийн нээлт байлаа. Дэлхийн шилдэг гурван үнэт эдлэлийн брэндийн нэгээр нэрлэгддэг Pandora брэнд Монгол улс дахь албан ёсны төлөөлөгчөөрөө Нано Фэшн компанийг сонгосон ба Pandora брэндийн Монгол дахь дэлгүүр 101 дэх улсын, 10501 дэх салбар болж буйгаараа онцлогтой.

Амьдралын тань хамгийн нандин дурсамжийг бүтээлцэх Pandora

Эд эс бүрээс нь сэтгэл хөдөлгөм уран нарийн хийц, тансаг байдал мэдрэгдэх Pandoга брэндийг Данийн уран дархан Пер Эниволдсен 1982 онд үүсгэн байгуулжээ. Pandora-гийн үнэт эдлэл бүрийг дэлхийн шилдэг гоёл чимэглэлийн мастерууд дээд зэргийн алт, мөнгийг ашиглан гар аргаар бүтээдэг. Тиймдээ ч дэлхийн шилдэг үнэт эдлэл үйлдвэрлэгчдийн нэгээр нэрлэгддэг болов уу. Сонирхуулж хэлэхэд Pandora-гийн философи нь бүсгүй хүн бүрийг өөрийн онцлог, дотоод чанараа илэрхийлэхэд урам зориг өгөх, тэдний нандин дурсамжийг хуваалцахад оршдог.

Ингэхдээ төрөл бүрийн сэдэв, хийц бүхий 600 гаруй төрлийн бугуйвчны charm буюу чимэглэлийг санал болгодог билээ. Үүнээс гадна уран нарийн хийцтэй Special цуглуулга, 18 каратын алтаар хийгдсэн Shine, түүх өгүүлэх Floating Locket цуглуулга, ягаан алтаар урласан Rose цуглуулга гэх зэрэг хэн бүхний таашаалд нийцэх 10 гаруй төрлийн цуглуулгыг Pandora бүтээдэг. Гоёл бүр нь онцгой утга агуулгыг илэрхийлдэг учир хайрт хань, дотны найз нөхөд, амьдралын тань чухал мөчүүдэд үргэлж хамт байдаг ээж, эгч, дүүдээ бэлэглэж болох хамгийн төгс бэлэг бол эргэлзээгүй Pandora юм.

 

Энэхүү өдөр Нано Фэшн компанийн захирал Б.Бүжинлхамын урилгаар дуучин Ука, жүжигчин Б.Цэцэг, загвар өмсөгч Б.Цэрэндолгор, Х.Бадамгэрэл, С.Төгс, Н.Сарнай зэрэг урлаг болон загварын салбарын үзэсгэлэнт бүсгүйчүүд хүрэлцэн иржээ. Уригдан ирсэн зочид хийл хөгжмийн намуун аянд, оргилуун дарсны хамтаар амтат макарон зооглонгоо алдарт брэндийн үнэт эдлэлүүдтэй танилцсан юм. Ийнхүү ер бусын, сэтгэл догдлуулсан Pandora брэнд Улаанбаатарт ирлээ.