Зун бол зоригтой будалтууд, төрөл бүрийн зугаатай туршилтуудын цаг үе. Жишээ нь сонгодог хар контурын оронд цагаан контур зурахыг бид та бүхэнд санал болгож байна.
Цагаан контур өмнө нь нэг биш удаа моданд орж байсан бөгөөд алдартнууд энэ трендэд их дуртай. 2017 онд л гэхэд Лили-Роуз Депп Chanel Métiers d'Art загварын шоунд ийм төрлийн будалттай тайзнаа гарч ирж, харин 2018 онд Рианна, Белла Хадид, Марго Робби зэрэг үзэсгэлэнт бүсгүйчүүд төрөл бүрийн арга хэмжээнд оролцохдоо ийм будалт хийж эхэлсэн билээ.
Харин энэ зун цагаан контурын тренд бүр ч хүчтэй байхыг Pinterest тавцан баталж байна. Тодруулбал, сүүлийн саруудад хийгдсэн хайлтуудыг дүгнэхэд, цагаан контуртай холбоотой хайлт 15 дахин нэмэгдсэн гэх үзүүлэлт гарчээ.
Мөн тус тавцангийн хэрэглэгчид цагаан өнгөөр уламжлалт мууран хэлбэрийн контур зурах биш харин илүү өвөрмөц график дүрслэлүүдээр нүдээ будахыг хүсэж байна. Жишээ нь дээд зовхин дээрээ хоёр эсвэл гурван хөндлөн зураас татах, давхрааны хэсгээ бүтнээр нь цагаанаар будах зэрэг шийдлүүд ажиглагдлаа.
Ингээд доорх зургуудаас санаа аван энэ зуныхаа зугаатай будалтуудыг хийж эхлээрэй.