Салалт, өсвөр насны хүүхдийн сэтгэлзүй, гэр бүлийн хүчирхийлэл гэх зэрэг хүнд сэдвүүдийг хөнгөхөн атлаа хөгжилтэй байдлаар тусгаж өгсөн Ginny & Georgia цуврал нь цацагдсан даруйдаа кино сонирхогчдоос өндөр үнэлгээ авч, Netflix-ийн хамгийн амжилттай бүтээлүүдийн нэгээр тодорсон. Харин тус цувралын хоёрдугаар бүлэг төсөөлөмгүй, гэнэтийн үйл явдлаар дүүрэн төгсөж, улмаар үзэгчид дараагийн бүлгийг хүлээхээс өөр аргагүйд хүрсэн билээ. 

Тэгвэл Ginny & Georgia цувралын гуравдугаар бүлэг 2025 оны зургаадугаар сарын 5-нд цацагдахаар болсон гэдгийг Netflix-ийн зүгээс албан ёсоор мэдээлжээ. Жүжигчдийн бүрэлдэхүүнд өөрчлөлт ороогүй ба шинээр Тай Доран, Ноа Ламанна гэх залуу жүжигчид дүр бүтээхээр болсон байна. 

Одоогоор цувралын трейлер цацагдаагүй байгаа хэдий ч Netflix Ginny & Georgia-гийн үнэнч шүтэн бишрэгчдэд зориулан шинэхэн бүлгийн зургуудаас дэлгэсэн байна. Мөн кино багынхны зүгээс цувралын дөрөвдүгээр бүлэг хийгдэхээр болсон тухай албан ёсоор мэдэгджээ.