Эмми 2022: Улаан хивсний шилдэг төрхүүд

74 дэх удаагийн оргил цагийн Эммийн шагнал гардуулах арга хэмжээ уламжлал ёсоор Лос-Анжелес хотын Microsoft театрт ёслол төгөлдөр эхэллээ. Телевизийн салбарын хамгийн чухал арга хэмжээнүүдийн нэгт тооцогддог энэхүү ёслолыг жүжигчин, хөтлөгч Кенан Томпсон хөтлөн явуулахаар сонгогдсон билээ. 

Шагнал гардуулах үндсэн хөтөлбөр эхлэхээс өмнө улаан хивсний ёслол дээр телевизийн салбарын “А” зэрэглэлийн супер одод хуран цугларч, бүрдүүлсэн төрхөөрөө биднийг гайхшируулж чадсан юм. Бусад арга хэмжээнүүдтэй харьцуулбал тус наадмын улаан хивсний ёслолд уригдсан эмэгтэй алдартнууд дээд зэрэглэлийн, кутюр даашинзнууд өмсөж, төрхөө чамин үнэт эдлэлүүдээр гоёдог бол эрчүүд классик хэр нь сонирхолтой материал болон хээтэй хослол сонгодог билээ. Энэ жилийн хувьд жүжигчин Зендеягийн Valentino брэндийн урт, намирсан хормойтой хар даашинз, Жон Хо Ёны гялалзсан детальтай Louis Vuitton даашинз, Аманда Сейфридийн Armani Privé-ийн ягаан даашинз, мөн DJ Zedd-ийн сонгосон Dolce & Gabbana-ийн неон нил ягаан хослол анхаарлын төвд байна. Ингээд хүрэлцэн ирсэн алдартнуудын шилдэг төрхүүдийг хүлээн авна уу.