Харри Поттерын тухай шинэ цувралд тоглох жүжигчдийн нэрс зарлагдлаа

Warner Bros. кино компани Ж.К. Роулингийн алдарт бүтээл болох "Харри Поттер"-ын түүхийг шинээр амилуулж, дэлгэцийн цуврал болгон бүтээх болсноо өмнө нь зарласан билээ. Тэгвэл хүлээлт үүсгээд байсан цувралын жүжигчдийн бүрэлдэхүүнийг кино компани саяхан албан ёсоор танилцуулсан байна.

The Crown шоугаар олонд танигдсан жүжигчин Жон Литгоу профессор Альбус Дамблдорын дүрийг бүтээхээр болсон бол Минерва Макгонагаллын дүрийг The White Queen цувралаар танигдсан Жанет Мактир амилуулахаар болжээ.

Харин профессор Северус Снейпийн дүрд Gangs of London цувралын залуу жүжигчин Паапа Эссьеду тоглох бол Рубеус Хагридын дүрд Shaun of the Dead киноны Ник Фрост сонгогдсон байна. Үүнээс гадна Квирирус Квиррелл, Аргус Филч нарын дүрд Люк Таллон болон Пол Уайтхаус нар тус тус тоглохоор сонгогджээ.

Цувралын зураг авалт энэ зун эхлэхээр товлогдсон бөгөөд найруулагчаар Succession цувралаар олноо танигдсан Марк Майлод, шоураннераар Франческа Гардинер нар ажиллах юм. Эхний ангийг 2027 онд цацах бөгөөд "Харри Поттер"-ын бүх ботийг дэлгэцийн цуврал хэлбэрт оруулах энэхүү төсөл арав гаруй жил үргэлжлэх төлөвтэй байна.