HBO телевиз "Game of Thrones" цувралын сүүлчийн буюу найм дах бүлгийн шинэ зурагт хуудаснуудыг нийтэлсэн байна. Нийт 20 зурагт хуудас цацагдсан бөгөөд уг зургуудаас Төмөр сэнтийд заларч, Вестеросыг удирдах боломжтой байгаа бүх баатруудыг харж болох юм. Тэдний дунд Дейнерис Таргариен, Жон Сноу, Шөнийн хаан, Ланнистерынхан, Старкийн хүүхдүүдээс гадна хаан ширээний төлөөх тэмцэлд төдийлөн оролцоод байдаггүй Теон Грейжой, Сэмвелл Тарли, Мелисандра болон бусад дүрүүд харагдлаа.

Цувралын сүүлчийн улирал нийт ердөө зургаан ангиас бүрдэх хэдий ч ангиуд нь 60-80 минут үргэлжлэх юм. Цувралын төгсгөлд телевизийн салбарын түүхэн мөчийг тодорхойлох агуу тулаан болно гэдгийг продюсерууд амласан байгаа.

Дахин сануулахад сүүлчийн бүлгийн нэгдүгээр анги 2019 оны дөрөвдүгээр сарын 14-нд цацагдах болно.