Celine брэндийн бүтээлч захирал Эди Слиман шинэ улиралд зориулан 1960, 1970-аад оныг санагдуулам цуглуулга танилцууллаа. Трапеци хэлбэрийн өмд, романтик хэв маягтай цамц, пиджак, савхин, элгэн болон үслэг материалтай хүрэм, хантааз, өвдөг давсан урттай даашинз, төмөр оруулгаар чимэглэсэн гар цүнх, сүрлэн tote, урт түрийтэй арьсан гутал зэрэг загварууд нь бүхэлдээ 1970-аад онд Парис бүсгүйчүүдийн зорих дуртай байсан Celine брэндийг эргэн дурсжээ.
Эди Слиман шинэ цуглуулгыг бүтээхдээ винтэж аяс оруулахын зэрэгцээ загвар бүрт streetwear хэв маяг нэмснээр илүү орчин үеийн уур амьсгалтай болгож чадсан байлаа. Түүнчлэн шинэ загваруудыг хайнга үс засалт, байгалийн будалттай хослуулснаар Франц эмэгтэйчүүдийн гоо үзэсгэлэнг илэрхийлжээ.
Бусад Нийтлэлүүд
Buro 24/7-гийн сонголт
Редакторын Сонголт
Buro 24/7-гийн сонголт