Домогт Алессандро Микеле Gucci загварын ордны бүтээлч захирлын албыг орхисноос хойш брэндийн гурав дахь шоу зохион байгуулагдлаа. Шинэ цуглуулга дээр Gucci-гийн дизайнеруудын баг ажилласан байна. Харин бүтээлч захирлаар томилогдсон Сабато де Сарно 2023 оны есдүгээр сард дебют цуглуулгаа толилуулахаар болжээ.
Gucci хэд хэдэн шалтгааны улмаас шоугаа Сөүл хотын Генбокгун ордонд зохион байгуулсан билээ. Тус улсын тансаг зэрэглэлийн зах зээл 2021 оны байдлаар 14.65 тэрбум ам.доллароор үнэлэгдэж дэлхийд долоодугаар байранд жагсаад байгаа юм. Үүгээр ч зогсохгүй 2019-2022 оны хооронд загварын зах зээлийн өсөлтөөрөө АНУ-ыг гүйцсэн болохыг Citigroup компанийн зүгээс мэдээлсэн билээ. Иймд хувцас загварын чиглэлээр үйл ажиллагаагаа явуулдаг брэндүүд Өмнөд Солонгосыг онилох ажилдаа ханцуй шамлан ороод байгаа юм. Мөн солонгосын драма, поп соёл, K-pop-ын дэлхийд оруулж буй нөлөө түүхэн дээд амжилтуудаар хэмжигдэж байна.
Шоуг нээж Солонгос төдийгүй дэлхийн нэр хүндтэй моделиудын нэг Чой Со-ра алхсан бөгөөд уламжлалт ханбуг хувцасны силуэттэй шагай шүргэсэн бомбер өмссөн байв. Дизайнеруудын баг цуглуулгын концепцыг гаргахдаа Gucci-д Том Форд ажиллаж байх үеийн 1990, 2000-аад оны гоо зүйг Алессандро Микелегийн харилцан адилгүй загварын урсгалыг хооронд нь загварчилдаг стилистик арга барилтай хослуулсан байлаа. Ингэхдээ тэд богино, мөнгөлөг, тэгш бус хэмтэй, хөвсгөр ханцуйтай гээд төрөл бүрийн бомберын загвар дээр анхааран ажиллажээ. Мөн Gucci-гийн зүгээс хувцсаараа дамжуулан скейтборд болон сёрфинг соёлыг сурталчилдаг нь дугуйтай цүнх, спорт нарны шил, сёрфингийн тавцан зэргээс анзаарагдана.
Бусад Нийтлэлүүд
Buro 24/7-гийн сонголт
Редакторын Сонголт
Buro 24/7-гийн сонголт