Александр Вэнг Gentle Monster брэндтэй хамтран нарны шил гаргалаа

“CEO” хэмээн нэрлэгдсэн загвар

Дизайнер Александр Вэнг Солонгосын Gentle Monster брэндтэй хамтран нарны шилний капсул цуглуулга гаргалаа. Шинэ загвар анх Alexander Wang брэндийн намар-өвөл 2018 загварын шоуны тайзнаа гарсан бөгөөд дизайны хувьд яг л The Matrix кино дээр гардаг шиг тэгш өнцөгт бүхий нарийхан хүрээтэй хийгдсэн байгаа.

Капсул цуглуулгад хар, шар ба улаан гэх гурван өнгө багтсан ба шинэ загварыг CEO хэмээн нэрлэжээ. Нарны шилийг худалдан авахад аварга том цахилгаантай хар өнгийн гэр дагалдах болно.

CEO нарны шил есдүгээр сарын 8-наас эхлэн хоёр брэндийн албан ёсны вебсайт дээр борлуулагдана.