Friends цувралаас сэдэвлэсэн Nike-гийн пүүз ямар дизайнтай болсныг харцгаая

Nike брэнд "Friends" цувралаас сэдэвлэсэн Kyrie 5 загвараа тавдугаар сарын 16-нд худалдаанд гаргахад бэлэн болгоод байна. Бид бүгдийн хайртай 1990-ээд оны алдарт "Friends" цувралын логогоор чимэглэгдсэн мөн тус логог санагдуулам үндсэн хар өнгө болон улаан, шар, цэнхэр гэх туслах өнгөнүүдээс бүтсэн энэ загвар нь Boston Celtics багийн тоглогч Кайри Ирвингийн нэрэмжит юм. "Friends" нь Кайригийн хамгийн дуртай телевизийн шоу тул ийнхүү пүүзний дизайны санаа гарчээ.

Kyrie 5 загвар 130 ам.доллараар үнэлэгдсэн бөгөөд брэндийн салбар дэлгүүрүүд болон албан ёсны вебсайт дээр борлуулагдана.