2017 оны Victoria's Secret загварын шоу Шанхай хотод амжилттай зохион байгуулагдаж, зураг авалт хийгдэж дууслаа. Арга хэмжээнд биечлэн оролцож чадаагүй дэлхий нийт загварын шоуны бүрэн хувилбарыг арваннэгдүгээр сарын 28-нд CBS телевизээр хүлээн авах болно. Харин тэр болтол шоуны эргэн тойрон дахь сонирхолтой агшнуудыг бид загвар өмсөгчдийн Instagram хуудаснаас олж харах боломжтой байна. Моделиуд энэ удаад мэргэжлийн нүүр хувиргагч Том Пешё болон үсний стилист Энтони Тёрнерийн удирдлага доор VS-ийн сахиусан тэнгэр болон хувирсан бөгөөд энэ агшнаа олон нийтийн сүлжээний шүтэн бишрэгчидтэйгээ хуваалцжээ. Ягаан өнгийн торгон халаат, долгионтой хөвсгөр үс, тайзны арын селфи гээд хамгийн шилдэг Instagram зургуудыг нэгтгэн харцгаая.