Загварын редактор, блогеруудад хамгийн ганган, гоёмсог дүр төрх бүрдүүлэх боломжийг олгодог кутюр загварын долоо хоног Парис хотноо эхэллээ. Цас бударсан Парис хотод өнгө өнгийн үслэг хүрэм, хамбан материалтай хөвсгөр куртка, сонирхолтой хийцийн савхин хүрэм болон тренч цув зэргийг олон давхарлах стилистик аргачлалаар өмссөн байлаа. Түүнчлэн загварын долоо хоногт уригдсан зочдын ихэнх нь Christian Dior брэндийн 2019 оны аяллын цуглуулгад багтсан Toile de Jouy хэмээх уран сайхны хээтэй гар цүнх, арьсан корсет, даашинз зэргийг сонгожээ.