Сүүлийн үед Холливүүдийн хамгийн дур булаам хосуудаар тодроод буй Женнифер Лопез болон Бен Аффлек нар тун удахгүй Лос-Анжелесын тансаг зэрэглэлийн Бель-Эйр дүүрэгт байрших аварга том харш руу нүүн орох гэж байна. Bennifer хэмээх хочоороо алдаршсан хосууд нийт 1800 м.кв бүхий хоёр давхар байшинд хамт амьдрахаар шийджээ. Тэд байшингаа АНУ-ын тербумтан Тодд Лемкинаас 50 сая ам.доллараар худалдан авсан гэнэ.
Ойн мод дунд байрлах энэхүү харш нь цэлгэр, том зайтай зочны өрөө, 4 гал тогоо, 10 унтлагын өрөө, 17 ванны өрөө, хувцасны өрөө, гэрийн кинотеатр, тоглоомын өрөө, фитнессээр хичээллэх зориулалттай өрөө, дарсны өрөө, усан бассейн зэргээс бүрдсэн байна. Мөн байшингийн гадна талбай дээр төрөл төрлийн цэцэгс ургамлуудаар баялаг цэцэрлэг, гольфын талбай, нийт долоон автомашин багтах гараж болон барбекью хийхэд зориулагдсан тусгай хэсгүүд бий.
Дотоод заслын хувьд дэгжин атлаа тав тухтай байдлыг чухалчилдаг Америк хэв маягийн сонгодог дизайн давамгайлжээ. Цэлгэр, том зайтай зохион байгуулалт, мод, гантиг, чулуу зэрэг байгалийн элементүүд агуулсан материалууд, ихэвчлэн Египет болон Маррокод үзэгддэг өвөрмөц хивсэнцэр, дулаан мэдрэмж олгох зөөлөн пастель өнгөнүүд зонхилсон байна.
Бусад Нийтлэлүүд
Buro 24/7-гийн сонголт
Редакторын Сонголт
Buro 24/7-гийн сонголт