Гэртээ галзуу хулганатай байхыг хүсэж байна уу?
Netflix сүүлийн 25 жилийн турш уран сайхны кино, энтертэйнмент шоу, цуврал болон баримтат кино зэрэг 3000 гаруй төрлийн контентыг үзэгчдэд хүргэсэн. Ингэхдээ тэд дизайн, архитектур сонирхогчдыг ч мөн мартаагүй бөгөөд дэлхийн өнцөг булан бүрийн өвөрмөц төслүүдийг онцолж шилдэг дизайнеруудаас суралцах боломжийг олгодог. Тэгвэл танд яг одоо Netflix-ээс үзэх боломжтой дараах кино болон нэвтрүүлгүүдийг санал болгож байна.
Гэр доторх аварга том аквариумаас эхлээд арын хашаан дах галзуу хулгана зэрэг бидний хэзээ ч харж байгаагүй хамгийн сонирхолтой интерьертэй байшингийн эзэдтэй танилцаарай.
Хятадын цагаан хэрмээс эхлээд дэлхийн хамгийн өндөр барилга, усан доогуурх роботууд, цахилгаан машин, ухаалаг тогтвортой хотыг хөгжүүлсэн инженерүүд хэрхэн санаанд оромгүй гайхалтай зүйлсийг бүтээж хязгаарыг давсан тухай үзэх боломжтой.
Жүжигчин Каролин Квентин болон Архитектор Пирс Тейлор нар дэлхийг тойрон аялангаа гайхалтай байшингуудаар зочлох болно. Эндээс та олон төрлийн архитектур болон дизайны шийдлүүдийн талаар суралцах боломжтой.
Жошуа Филдс болон Раян Никодемус нар бид хэрэггүй олон зүйлсээс салж, зөвхөн хэрэгцээтэй цөөхөн зүйлстэй амьдрах нь яагаад чухал болохыг баримт судалгаа болон бодит түүх дээр үндэслэн тайлбарлана.
Олон салбарын инновацлаг дизайнеруудын ажилтай танилцаж бидний амьдралд загвар, дизайн ямар чухал байдаг талаар олж мэдээрэй.
Чадварлаг интерьер дизайнерууд нэр хүндтэй үйлчлүүлэгчидтэй хамтарч ажиллах томоохон гэрээнүүдийн төлөө өрсөлдөх болно.
Жижиг талбайг ухаалгаар ашиглаж чадвал бидний бодож байгаагаас ч илүү зүйлсийг багтаах боломжтой.
Кевин Макклоуд хүмүүст мөрөөдлийн байшингаа барихад нь туслах ба ингэхдээ эрчим хүчний хэмнэлт, шинэлэг дизайн, чөлөөтэй орон зайг бий болгох тал дээр анхаарах болно.
Бусад Нийтлэлүүд
Buro 24/7-гийн сонголт
Редакторын Сонголт
Buro 24/7-гийн сонголт