76 дахь удаагийн Каннын кино наадам эхэлж салбарын шилдгүүд Францын Номин эрэг дээр цуглажээ. Хоёр дахь хоногтоо үргэлжилж буй тус наадмын үндсэн үйл ажиллагаа эхлэхээс өмнө уламжлалт ёсоор гламур уур амьсгалтай улаан хивсний ёслол болж өнгөрлөө. Хүрэлцэн ирсэн зочид 19 орчим метрийн урттай хивсээр алхахдаа гэрэл зурагчдын өмнө пооз аван зогсож өөрсдийн төрхөө камерын дуранд мөнхөлжээ.
Одоог хүртэл яригдсаар байгаа Met Gala-гийн нүсэр, бүтээлч төрхүүдийн араас Каннын улаан хивсний ёслол дээр бүрдсэн сонгодог бөгөөд тансаг хэв маяг уур амьсгалыг зөөллөх шиг болов. Тухайлбал, Кэтрин Зета-Жонс Elie Saab брэндийн улаан өнгийн туяагаар солонгорсон макси даашинз сонгож, жүжигчин Фредерик Бель франц шик өнгө аястай гүн ухлаадас бүхий энгэртэй хамба хилэн даашинз өмсжээ. Хойш гельдсэн үс, смоки будалт зэрэг зоригтой алхмууд хийж заншсан Хелен Миррен энэ удаа Del Core-ын цайвар цэнхэр даашинз, өнгө ижил үсний засалт толилуулж Y2K эринийг санагдуулав. Харин үдшийн хамгийн драматик төрхийг Chirstopher Bu загварын ордны барын хээтэй гоёл өмссөн Фан Бинбин, өдөөр чимэглэсэн шал шүргэсэн урттай даашинзаар гоёсон Викториа Боня нар харуулсан юм.
Бусад Нийтлэлүүд
Buro 24/7-гийн сонголт
Редакторын Сонголт
Buro 24/7-гийн сонголт