Баярын цэс: Оргилуун дарстай коктейльны жорууд

Оргилуун дарсыг зүгээр л дангаар нь уухаас уйдсан, баярын цэсээ зохиож амжаагүй байгаа эсвэл зүгээр л шинэлэг амт туршиж үзэх дуртай уншигчиддаа эдгээр жорыг зориулж байна.

1. Гадилтай коктейль

Орц:

• 30мл гадилын нухаш

• 30мл гадилын ликер

• 30мл апероль

• 100мл просекко

• 50мл сода ус

Хэрхэн бэлтгэх вэ?:

Гадилын нухаш, апероль болон гадилын ликероо холин хундагандаа хийгээд дээрээс нь оргилуун дарсаа дүүртэл хийнэ.

2. Hugo коктейль

Орц:

• 60мл оргилуун дарс

• 10мл лаймны шүүс

• 10мл ликер

• Сода ус (амтандаа тохируулна)

• Гааны навч

Хэрхэн бэлтгэх вэ?:

Бүх орцоо холиод хундагандаа аягалаад гааны навчаа хийнэ. “Hugo”-г дарсны хундаганд уудаг болохыг анхаараарай.

3. Mimosa коктейль

Орц:

• 50 мл жүржийн шүүс

• 100-150мл оргилуун дарс

• 10-15 мл ликер

Хэрхэн бэлтгэх вэ?:

Эхлээд апельсины шүүсээ оргилуун дарстайгаа холиод дээрээс нь ликероо нэмнэ. Чимэглэх үүднээс бөөрөлзгөнө ашиглах боломжтой.

4. Champagne Pick-me-Up

Орц:

• 30мл коньяк

• 40-45мл жүржийн шүүс

• 100мл оргилуун дарс

• 10мл анар жимсний шүүс

Хэрхэн бэлтгэх вэ?:

Коньяк, жүржийн шүүс, анар жимсний шүүсээ холиод хундагандаа аягална. Дээрээс нь оргилуун дарсаа дүүртэл нь нэмээд гүзээлзгэнэ эсвэл бөөрөлзгөнөөр чимнэ.

5. Ritz коктейль

Орц:

• 30мл коньяк

• 20мл куантро ликер

• 15мл ликер

• 20мл нимбэгний шүүс

• 100мл ягаан оргилуун дарс

Хэрхэн бэлтгэх вэ?:

Оргилуун дарсаар бусад орцоо холиод хундагандаа аягалсны дараа дээрээс нь оргилуун дарсаа дүүртэл нь хийнэ. Сүүлд нь жүржийн амин тос хийн шатаах боломжтой. Ингэснээр коктейлын амт илүү чанга болдог байгаа.