Дор хаяж нэг жилийн өмнөөс санхүүгийн барагцаа гаргаарай. Хамтрагчтайгаа ерөнхий төлөвлөгөөг зохиож, хуримын төсвөө гаргах нь хамгийн эхний алхам байх учиртай.

Мэдээж мэргэжлийн хүн хөлсөлж хуримаа хамтдаа төлөвлөх нь илүү амар байж болох ч хамгийн найдвартай, таны хуримд сэтгэлээсээ тусалж чадахаар гэр бүл, найз нөхөдтэйгөө хамтран ажиллахад болохгүй зүйл үгүй. Ганцаараа бүхнийг амжуулна гэдэг бараг л боломжгүй.

Хурим болох өдөр болон газрыг хамгийн багадаа 10 сарын өмнө тодорхойлохыг зөвлөж байна. Байршлын хувьд ямар ч газар бай эрт захиалга өгч зөвшөөрөл авах шаардлагатай ба бага насны мөрөөдөл, дурсамж дүүрэн газар, ой модон дунд, голын эрэг дээр гээд ямар нэгэн зүйлд баригдалгүйгээр сонголтоо хийгээрэй.

Гурван сарын өмнөөс урилгаа тараахыг зөвлөж байна. Ингэснээр урилга авсан хүмүүс эрт ажлаа зохицуулах, хуримд бэлдэх хангалттай цаг хугацаа байхаас гадна ирэх боломжгүй хүмүүс ч эрт хариугаа хэлж чадна. Урилга бол хуримын төсөөллийг бий болгодог томоохон зүйл учраас мөн л эртнээс загвар дээр нь ажиллаж эхлээрэй.

Та эдгээр хүмүүстэй ярилцаж, шийдэх асуудал маш их гарах учраас хагас жилийн өмнөөс сонголтоо хийгээд, цагаа тохироод явж байх хэрэгтэй. Хэт оройтчихвол хүссэн хүмүүстэйгээ хамтарч ажиллаж чадахгүй байх эрсдэлтэй.

Хуримын хамгийн хэцүү, хамгийн том сонголтууд. Брэнд болон үнэ дээр анхаарал хандуулахаас илүүтэйгээр утга учир, бэлгэдлийг бодсон сонголт хийгээрэй.

Хуримын танхимын тохижилт хосуудыг олон талаар илэрхийлж байдаг. Ширээгээ хэрхэн засах, хаана юу байршуулах, цэцэг хаана тавих гэх мэт зүйлсийг гурван сарын өмнөөс төлөвлөөд, дор хаяж нэг сарын өмнө тохижилтын санааг бүрэн гаргасан байх хэрэгтэй.

Хамтрагчдаа эсвэл гэр бүлдээ зориулсан ямар нэгэн гэнэтийн бэлэг бэлдвэл тухайн өдрийг илүү сонирхолтой болгож чадна.

Аавтайгаа эсвэл нөхөртэйгөө хийх хуримын бүжиг бол хамгийн сэтгэл догдлуулсан мөчүүдийн нэг.

Хуримын бэлтгэлийн үед санхүүтэй холбоотой маш их асуудал гардаг. Харин тэр асуудлуудыг хурим болохоос долоо хоногийн өмнө бүгдийг нь цэгцэлсэн байхыг зөвлөж байна. Ингэснээр сүүлийн долоо хоногт та өөртөө цаг зарцуулахаас гадна илүү нарийн ширийн зүйлс амжуулах боломжтой болно.

Боломжтой бол ирэх зочдын харшилдаг хүнс, цагаан хоолтон эсэхийг асууж хоолоо бэлтгэвэл ирсэн хүн бүр сэтгэл ханамжтай буцах нь гарцаагүй.

Та хоёр үнэхээр галзуу бал сар хүсэж байгаа бол хуримаа төлөвлөж эхлэх үеэсээ л бал сараа давхар төлөвлөөрэй. Далайн эрэг дээр амрах, Африкийн зэрлэг онгон байгалиар зугаалах, дэлхийн хамгийн хүйтэн цэг Антарктидыг зорих, эсвэл тансаг усан онгоцоор Европ тивийг тойрсон ч болно.

Цэцэггүйгээр хуримыг төсөөлшгүй. Сүйт бүсгүйн цэцэг болоод тохижилтод ашиглагдах цэцэгсийн өнгө чухал үүргийг гүйцэтгэдэг.

Хоёроос гурван долоо хоногийн өмнө ирэх зочдын тоог эцсийн байдлаар бэлэн болгож, ширээ хуваарилах ажлыг хийгээрэй.

Яг хуримын өдрөөр хэдэн цагт юу болох, яах ёстойг нарийн бичээд өөрийн хамгийн сайн туслахдаа өгөөрэй.

Хуримын бэлтгэлийн сүүлийн долоо хоногийг өөрийн гоо сайхандаа зарцуулж өнгөрүүлээрэй. Мөн хуримын өдөр маш их ачаалалтай байж, ядрах учраас өмнөх орой нь сайн унтаж амрахыг зөвлөж байна.