1990-ээд оны супер модель Клаудия Шиффер косметикийн брэнд үүсгэн байгууллаа
Нүүр хувиргагч Лиза Элдриж энэ талаар дэлгэлээ
1990-ээд оны домогт загвар өмсөгч Клаудия Шиффер өөрийн гэсэн косметикийн брэнд үүсгэн байгуулжээ. Энэ талаар мэргэжлийн нүүр хувиргагч Лиза Элдриж Instagram хуудастаа хамгийн анх нийтэлсэн байна. Германы супер модель Клаудия Шиффер өөрийн нэрийн брэндийг Artdeco Cosmetics компанитай хамтран байгуулжээ.
"Claudia Schiffer" косметикийн брэнд нь дотроо нүүр будалт, суурь крем, өө дарагч, багс, хумс арчилгаа, тоник зэрэг төрөл бүрийн бүтээгдэхүүнүүдээс бүрдэж байгаа юм. Загвар өмсөгчийн нэрийн бүтээгдэхүүнүүд ирэх есдүгээр сард худалдаанд гарахаар болжээ.