Адриана Лима, Карли Клосс, Наташа Поли зэрэг загвар өмсөгчид Педро Альмодоварын “Julieta” киноны нээлтэнд
Каннд
Өчигдөр Канны кино наадамд найруулагч Педро Альмодовар “Julieta” киногоо танилцуулсан бөгөөд тус киноны нээлтэнд Адриана Лима, Наташа Поли, Карли Клосс, Изабель Гулар зэрэг супер моделиуд иржээ
Канны кино наадмын дүрмээр бол өрсөлдөж байгаа кино Каннд л анхны танилцуулгаа хийх хэрэгтэй байдаг. Гэвч энэ дүрэм Педро Альмодоварт үйлчилсэнгүй. Учир нь "Julieta" кино нь дөрөвдүгээр сарын найманд Испанид нээлтээ хийсэн юм. Гэсэн хэдий ч энэхүү кино нь Канны наадамд жинхэнэ шуугиан тарьж чадлаа. Учир нь эмэгтэйчүүдийн сэдвийг хөндсөн "Julieta" кино загвар өмсөгчдөд ойр санагдсан бололтой. Киноны танилцуулга дээр жинхэнэ топ моделиудын "цуглаан" болсон гэж хэлж болно. Тодруулбал, "Julieta" киноны нээлтэнд Адриана Лима, Карли Клосс, Барбара Палвин, Наташа Поли, Изабель Гулар болон бусад загвар өмсөгчид нэгэн зэрэг хүрэлцэн ирсэн байлаа.
