Malcolm in the Middle цуврал 18 жилийн дараа эргэн ирлээ

Malcolm in the Middle буюу бидний дунд Малкольмын эргэн тойронд нэрээр сэтгэлд хоногшсон нэгэн америк гэр бүлийн бүтэлгүй атлаа хөгжилтэй, сургамжтай түүхийг өгүүлдэг ситком цуврал нь анх 2000 онд үзэгчдийн хүртээл болж байсан билээ. Цаашлаад нийт долоон бүлэг, 151 анги цацагдсаны эцэст цуврал 2006 онд өндөрлөж байсан түүхтэй. 

Тэгвэл цувралын зохиолч Линвуд Бумер 18 жилийн дараа Malcolm in the Middle-н шинэ ангиудыг Disney+ платформтой хамтран хийхээр болсон талаараа албан ёсоор мэдэгджээ. Шинэ бүлэг нь нийт дөрвөн ангитай байх бөгөөд Малкольмын дүрийг бүтээсэн жүжигчин Фрэнки Муниз, Малкольмын аав, ээжийн дүрд тоглосон Брайан Крэнстон, Жэйн Качмарек нар дахин дүрээ бүтээхээр болсон байна. Харин бусад дүрүүд буюу Малкольмын ах нар болох Фрэнсис, Риз, түүний дүү Дьюи нарын дүрд тоглосон жүжигчид цувралд эргэн ирэх эсэх нь тодорхойгүй байгаа аж. 

Шинэ бүлгийн үйл явдалд юу гарах талаар мэдээлэл хомс байгаа хэдий ч Малкольмын эцэг эхийн хуримын 40 жилийн ойн баяр болж буй талаар харуулах гэнэ. Мөн цувралын трейлер, үзэгчдийн хүртээл болох огноо зэрэг чухал мэдээллүүд цацагдаагүй байгаа юм.