David Bowie өөрийн хит дуунуудаа дахин гаргана
Диск болон винилэн пянзан цувралаар
Рок дуучны мэдэгдсэнээр энэхүү цуврал цомгуудад түүний 1969-ааc 1973 онуудад бичиж гаргасан дуунууд багтах болно гэжээ. Мэдээж хэрэг David Bowie-гийн нийт уран бүтээлийн биш харин зөвхөн тавхан жилийн хугацаанд гаргасан шилдэг дуунуудынх нь түүвэр нэг дискэнд багтахгүй билээ. Энэхүү коллекцинд 12 CD буюу 13 пянз багтана. Bowie-гийн хайртай дуунуудаа винилэн дээр сонсохыг хүсэгчдэд эдгээр пянзан хувилбар зориулагджээ. Тэгэхээр мөн түүний таван жилийн хугацаанд гаргасан бүтээлүүдийг нийлүүлэн нэг дор хадгалах боломжтой болжээ. "Five Years 1969-1973" хэмээх энэхүү түүвэрт дараах цомгууд багтсан байна: David Bowie, The Man Who Sold The World, Hunky Dory, PinUps, Aladdin Sane, The Rise And Fall of Ziggy Stardust and The Spiders From Mars. Түүнчлэн уран бүтээлчийн концертын цомгууд болох "Re:Call 1" хэмээх хоёр дискнүүд багтсан ба үүн дээр нэмээд цомгуудад ороогүй синглууд болон түүний хамгийн алдартай бүтээлүүдийн төрөл бүрийн хувилбарууд нэмэгдсэн. Тиймээс Bowie-гийн үнэнч шүтэн бишрэгчид хүртэл энэ цомгоос шинэхэн зүйлсийг олж сонсох болно.
Энэхүү цуврал диск болон пянзнуудад өгүүлэгдэх он жилүүд дуучны хувьд дэлхийн хэмжээний рок од болох замд нь онцгой цаг үе нь байлаа. Энэ үед дэлхий даяар хошууч Томын тухай түүний Space Oddity дуунаас мэдэн авч мөн Ziggy Stardust-тай танилцаж байсан билээ.