Рами Малек, Хенри Голдинг болон бусад Холливүүдийн залуу авьяастнууд Vanity Fair сэтгүүлийн зураг авалтад
25 жилийн ойд зориулсан тусгай дугаар
Vanity Fair сэтгүүлийн 25 жилийн ойд зориулсан тусгай дугаарын зураг авалтад энэ оны шилдэг кинонуудад тоглосон Холливүүдийн 11 залуу жүжигчин оролцлоо.
Сэтгүүлийн нүүрэнд Рами Малек (Bohemian Rhapsody), Чедвик Боузман (Black Panther), Николас Холт (The Favourite), Хенри Голдинг (Crazy Rich Asians), Режина Кинг (If Beale Street Could Talk), Сирша Ронан (Mary, Queen of Scots), Тимоти Шаламе (Beautiful Boy), Ялица Апарисио (Roma), Жон Дэвид Вашингтон (BlacKkKlansman), Элизабет Дебики (Widows), Тесса Томпсон (Sorry to Bother You) нар зургаа авахуулжээ. Энэхүү шинэ дугаарт тэд кино урлагийн ертөнцийн өнөөгийн төрх болон тус салбарт хийгдэж буй өөрчлөлт, шинэчлэлтүүдийн тухай өөрсдийн бодлоо хуваалцсан юм.
Зураг авалтыг "The Revenant", "Birdman" зэрэг киногоороо Оскарын шагнал хүртсэн оператор Эммануэль Любецки авсан бөгөөд тэрээр Холливүүдийн одоо ба ирээдүйг өөрийн дурандаа буулгахыг хичээжээ.
