Жанни Версачегийн гэгээн дурсгалд зориулж хүндлэл үзүүллээ

1997 оны 7 дугаар сарын 15-нд Парист хувцас загварын цуглуулгаа танилцуулаад долоохон хоносны дараа загвар зохион бүтээгч өөрийн Майами дахь харшийнхаа дэргэд буудуулж амиа алдсан. Энэхүү аймшигт хэргийг америкийн цуврал алуурчин гэгдэх Эндрю Кьюнен хийсэн юм.

Энэ жил Версачегийн хайртай загвар өмсөгчид болон найзууд нь нийгмийн сүлжээгээр дамжуулж түүнийг дурслаа. Хамгийн эхэнд Наоми Кэмпбелл Versace-д зориулан алхаж байсан зургаа тавьсан. Хэдхэн цагийн дараа Марио Тестино Versace-гийн титэм зүүсэн Мадоннагийн хөрөг зургийг тавьж, "Би Жанни Версачег санаж байна. Тэр надад итгэсэн анхны хүн байсан" гэж бичжээ.

A photo posted by Naomi Campbell (@iamnaomicampbell) on Jul 15, 2015 at 10:19am PDT

A photo posted by MARIO TESTINO (@mariotestino) on Jul 15, 2015 at 1:30pm PDT

Мөн Кристи Тарлингтоны Instagram хуудсанд "Өнөөдөр Жанни Версачегийн үхлээс хойш 18 жил болж байна. Энэ хүнтэй ажиллаж үзсэнээрээ би их азтай" гэж бичсэн Versace-гийн сурталчилгааны зураг нэмэгджээ.

A photo posted by Christy Turlington Burns (@cturlington) on Jul 15, 2015 at 7:03pm PDT

Загвар зохион бүтээгчийг өнгөрөх үед түүний эзэнт гүрэн 500 сая фунтээр үнэлэгдэж байсан. Жанни Версачегийн харамсалтайгаар хорвоог орхин одсоны дараа загварын ордонг түүний эгч Донателла удирдаж эхэлсэн юм.