Клаудия Шиффер, Синди Кроуфорд ба Наоми Кэмпбелл нар Balmain-ы сурталчилгаанд оролцлоо

"Би анх эдгээр гурван эмэгтэйн ачаар загварын ертөнцийг хайрласан. Тэдний ачаар би өнөөдөр ч тэр, ирээдүйд ч тэр загварыг хайрласаар байх болно" хэмээн Balmain-ы бүтээлч захирал Оливье Рустен хэлж, хавар-зун сурталчилгааны загвар өмсөгчдийн сонголтоо тайлбарлалаа. Стивен Кляйны удирдаж ажилласан хар-цагаан зурагнууд олон нийтийн сүлжээг аль хэдийнэ дүүргээд байна. Домогт моделиудын оролцсон сурталчилгаа брэндийн шүтэн бишрэгчдийг баярлуулж чадсан нь гарцаагүй биз ээ.