Өнөөдрийн онцлох бичлэг: Dior Homme кетийг хэрхэн бүтээдэг вэ

Dior брэндийн эрэгтэй хувцасны бүтээлч захирал Крис Ван Аш Dior Homme кетийг бүтээхдээ гар аргаар будаг шүршдэг сонирхолтой арга хэрэглэдэг. Ийм төрлийн бүтээлч аргачлалын ачаар сонгодог маягийн хувцаснууд хормын зуур өвөрмөц шийдэлтэй болж, зөвхөн уламжлалт жентльменүүд гэлтгүй, мөн гудамжны хувцаслалтанд дуртай орчин үеийн залуучуудын мөрөөдлийн загвар болон хувирдаг билээ.

Шинэ бичлэгт брэндийн цайвар ба бараан судалнуудын огтлолоос бүрдэх дөрвөлжин хээтэй арьсан кет хэрхэн бүтээгддэг нь гарах бөгөөд дизайнер Крис Ван Аш өөрийн алдарт аргаа энэхүү кет дээр хэрэгжүүлж үзүүлнэ. Үр дүнд нь бий болсон өнгө, өнгийн будгийн толботой эрэгтэй загварын кетийг Dior-ын сонгодог хослолтой эсвэл энгийн жийнсэн өмд ба цагаан футболкатай зохицуулан өмсөх боломжтой.