Тайзны ард: "Shangri-La Fashion Show-2019" хэрхэн болж өнгөрсөн бэ?
Загварын шоунд бэлдэж буй моделиуд BURO-гийн дуранд өртлөө
Загварын долоо хоногууд үргэлжилж, дэлхий нийт тэр чигтээ хувцас загвараар амьсгалж буй энэ үед Шангри-Ла Молл жил бүр уламжлал болгон зохион байгуулдаг "Shangri-La Fashion Show" шоугаа өнгөрөгч баасан гарагт толилууллаа.
Улирлын онцлох чиг хандлагуудыг танилцуулдаг "Shangri-La Fashion Show-2019" арга хэмжээнд "Монгол Модель" агентлагийн загвар өмсөгчид болон Volume+ телевизийн хөтлөгч Kai, фотомодель Б.Цэрэндолгор зэрэг шинэ үеийн төлөөлөгчид оролцож дуучин Болд, Камертон хамтлаг, Mrs.M ба AM-C нар уран бүтээлээ хүргэсэн юм. Харин BURO. сэтгүүлийн хамт олон тайзны араар зочлон загварын шоуны бэлтгэл ажил хэрхэн явагддагийг сурвалжиллаа.
Энэ удаагийн загварын шоуны тайзнаа IVEEL брэндийн үндэсний аястай шинэ цуглуулга, Futuristic Type, Camper, Levi's ба Montbell брэндийн streetwear, adidas ба Reebok брэндийн спорт загварууд, Sisley, U.S. Polo Assn, Dr.Martens болон Liu Jo брэндийн улирлын гол трендүүдийг илтгэсэн шик, преппи загварууд, Gerard Darel ба United Colors of Benetton брэндийн 1970-аад оныг санагдуулам винтэж уур амьсгалтай төрхүүд гарсан юм. Түүнчлэн Pandora, Tag Heuer, Carpisa, Luxenter зэрэг Шангри-Ла Моллд үйл ажиллагаа явуулдаг бусад брэндүүд шинэ улирлын загваруудаа танилцууллаа. Дашрамд дурдахад шоуны үеэр танилцуулагдсан загварууд яг одоо худалдаалагдаж байгаа бөгөөд Шангри-Ла Моллыг зорьсноор бүх шинэ цуглуулгуудыг олж харах боломжтой. Ингээд "Shangri-La Fashion Show"-ны хөшигний ард өрнөсөн үйл явцыг харцгаая!
