Миланы загварын долоо хоног, хавар-зун 2017: Street style. Нэгдүгээр хэсэг
Эхний өдөр
Миланы загварын долоо хоног өчигдөр Gucci, Alberta Ferreti, N°21 ба Fausto Puglisi гэх томоохон брэндүүдийн дуулиантай шоунуудаар нээлтээ хийлээ. Миланы гудамжаар алхлах зочид Gucci ордонд хүндэтгэл үзүүлэх үүднээс Алессандро Микелегийн урласан, өнгөрсөн улирлын загваруудаар гоёсон харагдана. Gucci ордны бэлгэ тэмдэг болсон улаан ба цэнхэр эсвэл улаан ба ногоон өнгийн зураас зочдын гар цүнх, бүс, гутал болон хувцаснууд дээр үзэгдэж байв. Мөн мэдээж хэрэг брэндийн алдарт үслэг оруулгатай угладаг гутал зурагчдын дуранд өртлөө.
Лондонгийн гудамжтай харьцуулбал Миланы зочид гоёл чимэглэлд илүү их анхаардаг нь илт мэдрэгдэж байлаа. Том хэмжээстэй ээмэг зүүлт, хүрэм ба бомбер дээрх алтлаг оёдол, цүнх ба цамцыг чимэх хатгамал, жийнсэн өмд дээрх цацаг, гутал дээрх сувдан наалт гээд хаа сайгүй анхаарал татам, гоёмсог деталиуд элбэг байлаа.
