Нью-Йоркийн загварын долоо хоногийн зочид юу өмсдөг вэ: Street Style. Зургаадугаар хэсэг
Долоо дах өдөр
Нью-Йоркийн загварын долоо хоног өндөрлөх дөхөхөд зөвхөн гадаа төдийгүй тайзан дээр ч, зурагчдын дуранд ч тэр маш "халуухан" болж эхэлсэн юм. Street style булангийн энэ удаагийн дугаарт нэвт гэрэлтдэг шифон, гялалзсан латекс, арьс, үслэг эдлэл, торго, гэх мэт төрөл бүрийн бүтэцтэй маш олон хар өнгийн хувцас, аксесуарууд харагдлаа.
Олон давхар ба маш нарийн ажиллагаа шаардагдсан төрхүүд хамгийн сонирхолтой нь байсан юм. Тухайлбал, цамц корсет хоёрыг хослуулж, гадуур нь пиджак өмсөж, эсвэл даашинзны дээгүүр чулуун чимэглэлтэй хантааз давхарласан байх жишээтэй. Мөн загвар өмсөгчдийн ажлын бус цагаараа өмсдөг хувцаснууд ч моод болсон хэвээрээ. Жишээ нь хэрэв гангалахыг хүсэхгүй байвал жийнсийг футболктай хослуулж болно. Тэгэхдээ гол нь футболкан дээрх бичиг их чухал. Сонирхуулахад Анна Делло Руссо торон материалтай богино хар даашинз сонгосон байсныг тусад нь дурдах хэрэгтэй байх.
