Playtime 2023: Street style. Нэгдүгээр хэсэг

Нийслэлийн Засаг даргын захирамжаар Улаанбаатар хотыг өндөржүүлсэн бэлэн байдлын зэрэгт шилжүүлснээр Playtime 2023 фестиваль тун хүнд нөхцөл байдалд эхэлж байна. Хэдийгээр урьдчилан тооцоолох боломжгүй, эрсдэлтэй нөхцөл байдал үүссэн боловч бүтэн жилийн өмнөөс бэлтгэл ажил явагдаж, гаднын олон уран бүтээлч төлөвлөгөөний дагуу хүрэлцэн ирсэн байгаа тул бид Гачуурт дахь Монгол Шилтгээнд сурвалжлахаар ирлээ. 

Ямартаа ч эхний өдрийн салхийг хагалж үндсэн тайзан дээр Deaf Cats блюз рок хамтлаг тоглосон бол үргэлжлүүлээд Их Британийн The Tourists хамтлаг рок, поп дуунуудаараа үзэгчдийг сэргээсэн юм. Харин эсрэг талд DJ Trillion бүжгийн талбайг доргиож, Naaglihats тайзыг rave үдэшлэг болгон хувиргалаа.

Амьд хөгжмөөс гадна, Playtime фестивалийн уур амьсгалыг улам бүр онцгой болгодог зүйл бол яах аргагүй залуусын бүрдүүлж ирсэн өвөрмөц төрхүүд байдаг. Өнөөдрийн street style-г ажвал залуус ямар нэгэн хэвшмэл ойлголт, хил хязгаарт баригдалгүй илүү эрх чөлөөтэй, зоригтой дүр төрх бүрдүүлж, дулаан хувцсаа давхарлан өмссөн ч хэрхэн загварлаг байж болохыг яруу тодоор харууллаа. Ингээд эхний өдрийн хамгийн сонирхолтой, загварлаг төрхүүдтэй танилцацгаая.