Шинэ жилийн үдэшлэгээр бүрдүүлэх 3 загварлаг төрх
Энгийн урт даашинзын оронд эдгээрийг туршаад үзээрэй
Арванхоёрдугаар сар гарах төдийд л найз нөхөд, гэр бүл, ажлын хамт олны шинэ жилийн үдэшлэгүүд ар араасаа үргэлжилж бүсгүйчүүд бидэнд нэг биш нэлээн хэдэн баярын төрх бүрдүүлэх шаардлага гардаг билээ. Мэдээж урт гоёмсог даашинз нь хэзээд сонгодог байх шийдэл мөн ч илүү сонирхолтой, загварлаг харагдахыг хүсвэл доорх гурван хувилбараас туршаад үзээрэй.
Хээтэй даашинзыг зөвхөн дулаан улиралд өмсөх ёстой гэх ташаа ойлголт байдаг ч гоёмсог материалтай хувилбарыг сонговол бүр шинэ жилийн үдэшлэгээрээ ч өмсөх боломжтой юм. Тод өнгийн клач цүнх, том шигтгээтэй туфли, унжсан урт ээмэг зэрэг аксесуарын ачаар төрхийг илүү баярын уур амьсгалтай болгох бол даашинзын винтэж дизайн таныг маш загварлаг харагдуулах болно.
Атлас материалтай гинжин оосортой клач
Эрвээхий зангилаатай даавуун материалтай туфли
1940-өөд оны стильтэй торгон даашинз
Дийлэнх бүсгүйчүүд даашинз өмсдөг тул брюк өмдтэй хослол өмссөн та бусдаас онцгойрон харагдах нь гарцаагүй. Төрхөө бүр ч гоёмсог болгохын тулд ээмэг, хүзүүний зүүлт, бөгж зэрэг үнэт эдлэлдээ чухал ач холбогдол өгч, цүнх ба гутлаа ч мөн хоорондоо төгс зохицохоор сонгоорой.
Том шигтгээтэй хүзүүний зүүлт
Богино даашинзыг заавал туфлитэй хослуулна гэлтгүй энэ улиралд тренд болсон сул ба урт түрийтэй гуталтай загварчилбал илүү өвөрмөц байх болно. Мөн цацагтай гар цүнх, урт унжсан ээмэг зэргийн ачаар төрхийг илүү баярын уур амьсгалтай болгох боломжтой.
Цацагтай илгэн цүнх
Богино даашинз
Унжсан урт ээмэг
Илгэн гутал