Дотроос нь харцгаая: Кристен Стюартын газар дундын тэнгисийн стильтэй байшин

Энэ оны намар нээлтээ хийхээр төлөвлөгдөөд буй "Spencer" хэмээх кинонд Диана гүнжийн дүрийг бүтээж буй жүжигчин Кристен Стюарт Лос-Анжелес хотын Лос-Фелис дүүрэгт байрших газар дундын тэнгисийн стильтэй виллаг 6 сая ам.доллараар худалдаж авчээ. Энэ талаар Architectural Digest сэтгүүл мэдээллэсэн байна.

Энэхүү вилла нь 1927 онд баригдсан бөгөөд нийт 1,500 м2 талбайтай. Мөн 4 унтлагын өрөө, 5 угаалгын өрөө, каминтай зочны өрөө болон задгай тагттай.

Байшингийн дээвэр улаан хавтангуудаар бүрхэгдсэн ба дотроо зааны ясан өнгийн ханануудтай, таазан дээрээ бараан өнгийн модон чимэглэлтэй байна. Түүнчлэн виллагийн талбайд зочдод зориулсан жижиг байшин байршжээ.