Burberry Prorsum хавар-зун 2016 танилцуулгын зочид
Кейт Мосс, Бенедикт Камбербэтч, Сиенна Миллер болон бусад
Лондонгийн загварын долоо хоногийн хамгийн хүлээлттэй танилцуулга Burberry Prorsum болж өнгөрлөө. Энэ жил тус брэнд шүтэн бишрэгчиддээ гэнэтийн бэлэг бэлджээ
Тэд Нью-Йоркийн загварын долоо хоногийн трендийг үргэлжлүүлж, шоуг бүгдэд нээлттэй болгосон байна. Цуглуулгын танилцуулга болохоос өмнө брэнд хавар-зун 2016 Ready-to-Wear цуглуулгаа тайзан дээр биш харин Snapchat апп дээр дэлгэсэн. Кенсингтоны цэцэрлэгт хүрээлэнд болсон танилцуулга дээр алдартай зочид уригджээ. Кейт Мосс, Анна Винтур, Сиенна Миллер, Бенедикт Камбербэтч эхнэр, найруулагч Софи Хантерын хамт, Кара Делевинь болон St. Vincent, Жордан Данн, Сьюки Уотерхаус нар байлаа. Үзүүлбэр найрал хөгжмийн амьд дуунд болж, зочдыг үйлчлэгчид суудалд нь хүргэж өгсөн байна.
