Лондон дахь The Animal Ball үдэшлэгийн зочид
Елена Перминова, Элли Голдинг, Марио Тестино болон бусад
Chloé, Burberry, Swarovski, Matthew Williamson, Jimmy Choo зэрэг дэлхийн шилдэг 50 загварын ордон устаж үгүй болж буй зэрлэг амьтдыг аврах зорилготой Уэльсын хунтайжийн төсөлд нэгдлээ. The Animal Ball хандивын төслийн хүрээнд дизайнерууд зэрлэг амьтадаас сэдэвлэсэн багт наадмын хувцаснууд урласан юм. Тэгвэл өчигдөр дизайнеруудын урласан эдгээр хувцсыг алдартнууд өмсөж, хандивын арга хэмжээнд ирсэн байна. The Animal Ball төслийн хүрээнд Лондон хотын хэд, хэдэн шилдэг ресторануудад хаалттай цуврал үдэшлэг зохион байгуулсан бөгөөд гол арга хэмжээ нь Блумсбери дахь оройн зоогны үдэшлэг байлаа.
Энэхүү гала үдэшлэгт Елена Перминова, Александр ба Евгений Лебедев, Элли Голдинг, Марио Тестино болон бусад олон алдартай зочид цугларчээ.
