Land Rover болон Jaguar брэндийн автомашины showroom Зайсан Хилл цогцолборт нээлтээ хийлээ

Тансаг зэрэглэлийн автомашиныг Монголын хэрэглэгчдэд санал болгодог Старчейз Автомотив Лимитд ХХК нь Jaguar болон Land Rover брэндийн автомашины "бүтик" showroom-ийг өчигдөр Зайсан Хилл цогцолборт нээлээ. Дашрамд дурдахад өнгөрөгч оны аравдугаар сард Старчейз Автомотив Лимитд ХХК үйл ажиллагаагаа тэлэн Jaguar болон Land Rover брэндүүдийн дилерийн эрхийг өмнөх дилерээс шилжүүлэн авсан билээ. Ингэснээр Jaguar, Land Rover брэндийн автомашиныг борлуулаад зогсохгүй дэлхийн стандартад нийцсэн баталгаат засварын үйлчилгээг харилцагчиддаа үзүүлэх юм.

Үзэсгэлэнгийн танхимын нээлтийн үеэр Старчейз Автомотив Лимитд ХХК-ийн гүйцэтгэх захирал Стив Поттер "Автомашин үйлдвэрлэгч брэндүүд молл, цогцолборт үзэсгэлэнгийн танхимаа нээх нь олон улсын жишиг болоод байна. Энэхүү жишгийн дагуу Монгол дахь анхны молл доторх автомашины showroom-ийг байгууллаа" хэмээн онцоллоо. Түүнчлэн 2019 оны сүүлээр Porsche Улаанбаатар төвийн зэргэлдээ нийт 4,251 м.кв талбай бүхий газарт Jaguar, Land Rover брэндийн байнгын үзэсгэлэнгийн танхимыг барихаар төлөвлөж буйгаа дурдсан юм.

Зайсан Хилл цогцолборын G давхарт байрлах энэхүү бүтик showroom нь Jaguar, Land Rover брэндийн автомашинтай танилцахыг хүссэн хэн бүхэнд нээлттэй билээ.