Аяллын зардлаасаа яг одоо хөнгөлөх арга хэлж өгье

Таны мөнгийг хэмнэх боломж

Аяллын байгууллагууд тухайн улсынхаа ресторан, төрөл бүрийн жуулчлалын цэгүүдтэй гэрээтэй ажилладаг тул хэрэглэгчдэд тусгай тарифаар үйлчлэх боломжтой. Үүнээс гадна танд хаана, ямар хямдрал эдлэх талаар инсайдер мэдээллүүдийг харамгүй өгөх болно. Монголын Жуулчин компани л гэхэд juulchin.mn албан ёсны вэбсайтаар нь зочилж, хэрэглэгчийн бүртгэл үүсгэсэн хүн бүрд Juulchin point буюу 50,000 төгрөгийн үнийн дүн бүхий урамшууллыг олгож эхэлжээ. Juulchin point таны хэтэвчинд нэмэгдсэнээр аяллаа онлайнаар захиалахдаа тус оноогоо нийт үнийн дүнгээсээ хасуулан хөнгөлөлт эдлэх боломжтой байна.

Явдал суудлыг март

Мэдээж хэрэг салбарынхаа мэргэжилтнүүдээр аяллаа төлөвлүүлснээр та ганцаараа хийх байсан бичиг цаасны, түм буман судалгааны ажлаас өөрийгөө хөнгөвчилж байна гэсэн үг. Та ачаагаа баглан санаа амар онгоцондоо суухад л хангалттай.

Цагийг тань хэмнэнэ

Мэргэжлийн хөтчүүд үйлчлүүлэгчийнхээ тав тухыг хангахын сацуу богино хугацаанд аль болох олон газартай танилцуулахын тулд нарийн цагийн хуваарь боловсруулдаг. Тухайн газраар анх удаагаа аялж байгаа хүмүүсийн хувьд нэг өдөрт хэт шахуу төлөвлөгөө гаргаж алжаах, эсрэгээрээ хий дэмий цагаа үрэх хүндрэлийг жуулчлалын компаниудын судалгаанд суурилан гаргасан хөтөлбөрийн тусламжтай тойрон гарах боломжтой.

Хялбар тээврийн хэрэгсэл

Нэг газраас нөгөө рүү, нэг хотоос өөр хот руу дамжин явахад алхах боломжгүй хол газар автобус, галт тэрэг, такси гээд тухайн орны санал болгодог тээврийн хэрэгслээр үйлчлүүлэх шаардлагатай болдог. Энэхүү үйл явц зарим хүмүүст тээртэй, цаг үрсэн санагдаж болзошгүй. Тэр дундаа овортой ачаатай бол хөлсөө урсган явахаас өөр гарцгүй. Харин аяллын компани энэ асуудлыг хувийн тээврийн хэрэгслээрээ шийдэж өгдөг нь давуу тал мөн.

Асуудлыг шийдэх туршлага

Аяллын турш гэнэтийн хүндрэлүүд гарах магадлал бараг л 100%. Нислэг цуцлагдах, хойшлогдох гээд ямар ч асуудал гарч ирсэн энэхүү салбарын тогоонд олон жил чанагдсан туршлагатай хамт олон хялбар шийдлүүд санал болгож чаддаг.