Вьетнамын наран шарлагын эрэг дээрх хулсан диваажин
Хулс бас дахин хулс
Орчлонгийн амар амгаланг мэдрэх энэ сайхан газрыг бүтээсэн хүмүүс гол материалаа авахын тулд хол явалгүй, гар доорх материал ашиглажээ. Магадгүй хулс Вьетнамд хамгийн түгээмэл материал боловч түүгээр харин ийм сонирхолтой дээвэр бүхий байгууламж бас бүтээж болно.
Хэдийгээр болхи материал мэт санагдаж болох ч энэхүү баарны барилгад ашигласан хулсыг маш сайн мурийлгаж, нумарсан хэлбэр үүсгэж чадсан байна. Тэднийг гал түлж, ус буцалган уяраасны дараа ийнхүү муруйсан бүтцийг нь гаргаад хооронд нь бэхэлж боодог ажээ.
Далайн наран жаргаж, үдшийн гялаан гарахад баарны гэрлүүд асч, тогтмол усан дээр тусахад гайхалтай сайхан дүрслэл бий болдог.
Уран нарийн хэлбэрээр хоорондоо сүлжигдсэн хулснууд дээр тусах гэрлийн дор цагаан буйдан дээр тухлаад, хундага коктейль шимэнгээ наран жаргах зүгийн салхийг мэдрэн суух гэдэг таашаал биш гэж үү?