Lancome-ын шинэ, зөөлөн хацар өнгөлөгч худалдаанд гарна

Lancome брэнд суурь крем болон өө дарагчийнхаа араас шинэ хацар өнгөлөгч гаргахаар зэхэж байна

Лиза Элдридж "Juicy Shaker" гэх уруул өнгөлөгчөө танилцуулаад удаагүй байтал бас нэгэн цоо шинэ зүйл гарч ирлээ. Саяхан, шинэ хацар өнгөлөгчний зургийг, Lancome-ын бүтээлч захирал өөрийн Instagram хуудаснаа нийтлэсэн байна. Үүнээс гадна, хоёрдугаар сарын 17-нд тус брэндийн шинэ өө дарагч цөөн тоогоор худалдаанд гарсан байгаа.
Өнгөрсөн арванхоёрдугаар сард л энэхүү зөөлөн хэлбэрийн хацар өнгөлөгч удахгүй худалдаанд гарна гэсэн цуурхал гарч байсан юм. Харин тэр үед хүмүүс тус бүтээгдэхүүнийг цоо шинэ гэж нэрлэхэд хэцүү хэмээн ярьцгааж байсан билээ. Учир нь Солонгост бараг бүх л гоо сайхны бүтээгдэхүүнийг зөөлөн хэлбэрээр худалдан авах боломжтой болсон. Гэхдээ гоо сайхны хэрэгслээ шинэчлэхэд заавал ямар нэгэн шалтгаан хэрэгтэй гэж үү?