НИЛ ЯГААН ӨНГӨНИЙ БҮХ ТУЯАНУУД

Тавдугаар сард үзэсгэлэнт голт бор (lilac) цэцэг, харин зургаадугаар сард лаванда цэцэглэдэг тул энэ зун нил ягаан өнгийн маникюр зонхилно гэдэгт итгэлтэй байж болно. Нил ягаан өнгө нь урт, богино, дугуй, дөрвөлжин гээд ямар ч хэлбэрийн хумсанд зохицдог.

ӨНГӨЛӨГ ФРЕНЧ БУДАЛТ

Урин дулааны улирал ирж, бид цаанаасаа л төрөл бүрийн өнгөлөг зүйлс рүү татагдаж буй энэ үед өнгөлөг френч маникюр хамгийн зөв шийдвэр билээ. Энэхүү будалт нь бүйлсэн хэлбэрийн хумсанд илүү зохимжтой харагдана. Хамгийн гол нь уг будалтыг хэрэгжүүлэхдээ суурь өнгийг нь тунгалаг биш, харин өнгөлөг будгуудаас сонголтоо хийгээрэй.

ШӨНИЙН ТЭНГЭР МЭТ ГҮН ЦЭНХЭР ӨНГӨ

Ямар ч өнгөтэй төгс зохицож, гарын хуруунуудыг илүү урт, нарийхан харагдуулдаг онцлогтой гүн цэнхэр өнгийн маникюр энэ зуны хамгийн эрэлттэй будалтаар тодроод байна. Харин хумсны хэлбэрийн хувьд дөрвөлжин болон зууван хэлбэр тохиромжтой.

БАЙГАЛИЙН НОГООН ӨНГӨ

Зуны улиралд ногоон өнгийн хувцаслалт, аксесуарууд, нүүр будалт болон мэдээж маникюр хамгийн тохиромжтой байдаг. Ногоон өнгөөр хумсаа будсанаар таны борлосон арьсыг илүү тодруулж, гадна төрхийг тань чимхээс гадна ямар ч нейл арт шаардлагагүй юм. Энэхүү будалтыг минимал хийцтэй алтан бөгж, бугуйвчтай хослуулаарай.

ЯГААН

Барби хүүхэлдэйг санагдуулам ягаан өнгийн маникюр нь энэ зуны хамгийн гол маникюрын трендүүдийн нэг билээ. Хэрэв хэт гял цал, тод ягаан туяатай будалт хийхийг хүсэхгүй байгаа бол усан ягаан, пастель ягаан өнгийг анхааралдаа аваарай.