Ертөнц цуврал цомогийг бүтээгч Bros Records, Дэлхий хамтлаг өнөөдөр Байгаль цомгийн нээлтээ хийж, цомогт багтсан хөгжмийн бүтээлүүдийг танилцуулсан мини баримтат кино үзүүллээ
Энэхүү богино хэмжээний баримтат киног та хамгийн түрүүнд цахим орчинд үзэж байгаад баяртай байна. Учир нь энэ кинонд зөвхөн Монголын сор болсон хөгжимчдийн шинэ бүтээлийн тухай өгүүлээд зогсохгүй, үзэсгэлэнт Монгол нутгийн зураглал гарч, утга агуулга төгөлдөр яруу найргийн үгс хөврөн таны оюун, бодлыг цэнгүүлэх болно. Өмнө нь бид Байгаль цомог хэрхэн бүтсэн тухай та бүхэнд продьюсер М.Болд, хөгжмийн зохиолч Г.Онон нарын ярилцлагаар хүргэсэн билээ. Одоо харин мини баримтат киноноос нь илүү дэлгэрэнгүй үзэцгээе.
Өнөөдөр цомгийн нээлтэнд ирсэн хүмүүст Дэлхий хамтлаг Байгаль цомогийн Бүүвэй, Чоно гэх аялгуунуудыг тоглож үзүүлсэн бөгөөд аргил гитараар чоно улих мэт тоглох, ятгын уянгалаг хөгжмөөр бүүвэйн аялгууг илэрхийлсэн нь үнэхээр сонирхолтой байлаа.
Дашрамд дурдахад Ертөнц цуврал Байгаль цомгийг өнөөдөр танилцуулах үеэр продьюсер М.Болд дараагийн гурав дах Гал гэх улаан цомогийг хөгжмийн зохиолч Б.Чинбат, Харанга хамтлагийн ахлагч Ц.Энхманлай нартай хамтран бүтээж байгаа хэмээн мэдэгдлээ.
Бусад Нийтлэлүүд
Buro 24/7-гийн сонголт
Редакторын Сонголт
Buro 24/7-гийн сонголт