Оскар 2022: Шагнал гардуулах ёслолын дараах Vanity Fair үдэшлэг

94 дэх удаагийн Оскарын шагнал гардуулах ёслол олныг алмайруулсан үйл явдлуудаар дүүрэн болж өнгөрлөө. Бид улаан хивсний шилдэг төрхүүд, ёслолын үер тохиосон онцлох мөчүүд, нэрт дуучдын үзүүлбэрүүд, шагнал хүртсэн уран бүтээлчид болон кино бүтээлүүд гээд хамгийн чухал мэдээллийг цаг алдалгүй сурвалжилж байна. Харин яг одоо ёслолд хүрэлцэн ирсэн одууд жил бүр Оскарын наадмын дараа зохион байгуулагддаг уламжлалтай Vanity Fair сэтгүүлийн тусгай үдэшлэгт хүрэлцэн ирлээ. The Wallis Annenberg Center театрт болж буй үдэшлэгт Оскарын наадмын ялагчид, нэр дэвшигчид төдийгүй арга хэмжээнд уригдсан бүх зочид хүрэлцэн ирж, амжилтаа тэмдэглэдэг билээ.

Энэ жил үдэшлэгийн зочдын дунд дэлхийн кино урлагийн салбарын одуудаас гадна, загвар, спорт, урлаг соёлын ертөнцийн нөлөө бүхий эрхмүүд уригдсан байна.