Алдарт уран барималч Барбара Хепуортийн баримлаас сэдэвлэсэн багтаамж сайтай шопер цүнх. Цүнхний бариулыг өөрийн хүслээр урт, богино болгох боломжтой төдийгүй урд болон ар хэсэг нь хоёр өөр өнгийн арьсаар хийгдсэн тул хажуу талаасаа тун сонирхолтой харагддаг.
Маш энгийн хэлбэртэй юм шиг боловч өвөрмөц газар байршсан бариулынхаа ачаар бусад загваруудаас ялгарч чадсан. Мөн бариул дээрх металлик оруулга нь цүнхийг улам бүр чимж өгсөн. Энэхүү Солонгос брэнд нь Oval нэртэй энэ цүнхээ хоёр төрлийн хэмжээтэйгээр, олон өнгийн сонголттойгоор гаргадаг байгаа.
Анх 1970-аад онд гарч байсан загварыг бага зэрэг шинэчилсэн The Bulb цүнх нь хараахан Instagram-д үзэгдэж амжаагүй байгаа. Цүнхийг үдээсний тусламжтай түгждэг бөгөөд энэ онцлогийг нь ашиглан цүнхний хэлбэрийг өөрчлөх боломжтой.
Mansur Gavriel брэндийн хувин хэлбэрийн гар цүнх 2013 онд анх гарч, тухайн үедээ жижиг брэндүүдэд амжилтад хүрэх үүд хаалгыг нь нээж өгсөн байдаг. Тэгвэл энэхүү асар их амжилт олсон Bucket загвараа брэнд саяхан шинэчилж, үдээсний оронд цахилгаанаар түгжигддэг Zip Bucket хувилбарыг гаргажээ.
Бусад Нийтлэлүүд
Buro 24/7-гийн сонголт
Редакторын Сонголт
Buro 24/7-гийн сонголт