Бейонсегийн “Spirit” клипний гайхалтай стайлинг

Хоёр хоногийн өмнө дуучин Бейонсе "The Lion King" киноны албан ёсны дуу болох "Spirit" бүтээлийнхээ видео клипийг танилцуулсан билээ. Клипний зураг авалт Хавасупай гэх АНУ дахь дархан цаазат газарт хийгдсэн бөгөөд клипэнд Бейонсе хэд, хэдэн high fashion төрх бүрдүүлсэн нь олны анхаарлыг ихэд татаж байна. Клипний хувцас загварын сонголтыг стилист Зерина Акерс хариуцсан ба тэрээр клипэнд зориулж Лондонгийн дизайнер Марк Фаст, Valentino брэнд, Африкын жижиг маркуудтай хамтран ажиллажээ. Дашрамд дурдахад энэ зуны хамгийн гол киногоор нэрлэгдээд байгаа "The Lion King" Монголд өнөөдрөөс эхлэн кино театруудаар гарч эхэлж байгаа билээ.

Valentino-гийн кутюр цуглуулгын даашинз. Бейонсе уг даашинз дотор мөн Bizarre Fetish Couture маркын латекс материалтай мини даашинз өмссөн байгаа.

Лос-Анжелесаас гаралтай Deviant la Vie маркын уяануудаас бүрдсэн даашинз.

Африкын Tongoro маркын хослол. Яг ийм хослолыг брэндийн вебсайт дээрээс $300 үнээр захиалах боломжтой.

Хясаануудаас бүрдсэн толгойн өмсгөл ба мөрний чимэглэлийг Alex Navarro брэнд Бейонсед тусгайлан зориулж бүтээсэн бол даашинзыг Бразилын Alexandrine брэнд урлажээ.

Laurel DeWitt маркын цацагтай комбинзон.

Hyun Mi Nielsen маркын даашинз. Тус маркыг үүсгэн байгуулсан дизайнер Кристин Нилсен өмнө нь Givenchy ба Alexander McQueen брэндүүдийн дизайны хэлтэст ажиллаж байсан туршлагатай билээ.