Хувцас загварын салбар өөрчлөгдөхийн хэрээр хүмүүсийн харах өнцөг ч мөн хувьсаж байна. Өнөөдөр хүмүүс таалагдсан хувцсаа хаанаас ч хамаагүй худалдан авахгүйгээр тухайн брэндийнхээ талаар гүнзгий судалж, амьдралыг харах хувийн үзэл бодол, философидоо нийцүүлэх нь түгээмэл үзэгдэл болжээ. NOÉMI ч мөн энэ үзэл санаанд тулгуурлан өөрсдийн үйл ажиллагаагаа явуулдаг бөгөөд чанартай, урт удаан эдэлгээг эрхэмлэдэг хүн бүхэн брэндийнх нь загвараас сонголтоо хийдэг гэдэгт итгэдэг. Тэд коллекцид багтсан загвар бүрийн деталь дээр онцлон анхаардаг ба арьсанд хүрэлцэх мэдрэмж дээд зэргийн зөөлөн байх, биеийн галбирт таатай, зөв суух зэрэгт ач холбогдол өгдөг.

NOÉMI шинэ цуглуулгаараа дамжуулан байж болох хамгийн байгалийн дүр төрх, элдэв хачиргүй энгийн гоо үзэсгэлэнг онцлохыг зорьжээ. Тухайлбал материалын төрөл зүйл дундаа натурал байдлын бэлгэ тэмдэг болдог ноолуурыг ашиглаж, моодноос гардаггүй сонгодог загварууд хийсэн нь үүний нэг жишээ. Мөн тус зорилгынхоо хүрээнд коллекцийн зураг авалтыг зориудаар сет дизайн засахгүйгээр, зураачийн урлан дахь орчинд авснаараа онцлогтой. Үүнээс гадна моделиудын хувьд ч нүүр будалт, үс засалтыг нэмж засахгүйгээр аль болох байгаагаар нь камерын дуранд буулгаж, байгалийн дүр төрхийг нь тодотгохыг чухалчилсан аж.

NOÉMI БРЭНДИЙН НАМАР-ӨВӨЛ 2024-25 ЦУГЛУУЛГЫН ОНЦЛОГУУД

Тус сүлжээсний давуу тал нь хувцсыг илүү биетэй харагдуулж чаддагт оршдог. Өөрөөр хэлбэл өмссөн байхад биеийн өө сэвийг дардаг давуу талтай юм. Мөн fishbone хээ нь сонгодог загваруудад түгээмэл ашиглагддаг. Энэ нь Noemi-ийн баримталдаг цаг хугацааны эрхэнд хуучрахгүй загвар урлах зорилттой нийцэж байгаа юм.

Брэндийн зүгээс цуглуулгууддаа харандаа хэлбэрийн юбкаг тогтмол багтаадаг. Учир нь энэхүү загвар нь тун хувьсамтгай шинж чанартайд тооцогддог. Хэрхэн юутай зохицуулж өмсөхөөс шалтгаалж гоёлын, өдөр тутмын, ажил хэрэгч гэхчлэн олон янзын look бүрдэх боломжтой.

Хүн бүрд зохих энэ жилийн онцлох аксесуар. Энгийн малгайнаас уйдсан, сонирхолтой толгойн гоёл сонирхдог хүмүүст тохиромжтой.

V хэлбэрийн биеийн галбирыг үүсгэж, зарим тохиолдолд биеийн пропорцыг тэнцвэржүүлэх боломжтой. Түүнчлэн өргөн мөртэй пиджак, пальто нь хүчирхэг дүр төрхийг бүрдүүлж чаддаг билээ.

NOÉMI

Хаяг: Сэнтрал Тауэр, 1 давхар

Утас: 9010 1111

Facebook: NOÉMI

Instagram: @noemiofficial.mn