Эргэн дурсахуй: 1990-ээд оны загварын бэлгэ тэмдэг Рэйчел Грин

Хамгийн алдартай ситком цуврал болох "Friends" дэлгэцнээ анх цацагдаад аль хэдийн 24 жил өнгөрчээ. Хөгжилтэй адал явдлаас гадна гол дүрүүдийн хувцаслалт, тэдний стиль нь "Friends" цувралыг үзэх өөр нэг шалтгаан гэдэгтэй олон хүн санал нийлэх биз ээ.

Тэр дундаа хувцас загварын хорхойтон Рэйчел Гриний стиль бүрдүүлэлтийг дурдахгүй байхын аргагүй. Алдарт Bloomingdale's дэлгүүр болон Ralph Lauren брэндийн туслах худалдан авалт хариуцсан мэргэжилтэн гээд түүний карьер ч бас загварын салбартай салшгүй холбоотой байсан.

Түүний хувцаслалтыг эргээд харахад яг одоо моданд орж буй торгон даашинз, "аавын" пүүз, жийнсэн комбинзон зэргийг гарамгай зохицуулан, өвөрмөц стиль бүрдүүлдэг байсан бөгөөд тэрээр эргэлзээгүй 1990-ээд оны загварын бэлгэ тэмдэг юм. Ингээд түүний хамгийн загварлаг мөчүүдийг эргэн дурсацгаая.