Коронавирусын цар тахал дэгдэж дуусах үед бидний амьдрал болон үзэл бодол өөрчлөгдсөн байх нь тодорхой. Бид эдийн засгийн хямралтай тулгарч, ойр дотнынхонтойгоо өнгөрүүлэх цаг хугацааг илүү үнэлж, зарим нэг ажлын уулзалтуудыг үнэндээ утсаар шийдчихэж болдгийг ойлгосон байна. Харин хувцаслалтын хувьд зарим нь өмсөхийг тэсэн ядан хүлээсэн хамгийн хээнцэр, ганган хувцаснуудаа нэг дор өмсөж эхлэх бол, бусад нь биед тухтай бэлтгэлийн хувцас, пижам зэргээсээ салахад хүндрэлтэй байна. Тэгвэл тэдгээр тав тухаа алдахыг хүсэхгүй байгаа бүлэг хүмүүст зориулан BURO. бэлтгэлийн хувцсыг орлох чадвартай, ажил болон уулзалтад өмсөж болох, тухтай атлаа загварлаг сонголтуудыг цуглууллаа. Зөөлөн тааран материалтай, сул эсгүүртэй, торгомсог бүтэцтэй эдгээр өмднүүд нь танд гэрийн хувцаснаасаа өдөр тутмын хувцас руу шилжихэд туслах болно.