Олон улсын загварлаг бүсгүйчүүд Zara, Cos зэрэг брэндүүдээр амьсгалдгийн адил Итали бүсгүйчүүд дотоодын Rinascimento брэндээр өдөр тутмынхаа хувцаслалтыг бүрдүүлж, тренд дагаж бусадтай адилхан байхын оронд өөрсдийн гэсэн хэв маягийг хадгалж үлддэг. Италийн анхдагч брэндүүдийн нэг Rinascimento нь “Made in Italy” гэх нэр хүндтэй чанарын стандартыг үргэлж өндөрт байлгахын зэрэгцээ хамгийн сүүлийн үеийн трендүүдийг тусгасан контемпорари загварууд гаргадаг учраас ийнхүү амжилттай яваа билээ.

Rinascimento нь Италиар сэргэн мандалт гэсэн утгатай бөгөөд тэртээх 1961 онд үүсгэн байгуулагдсанаас хойших өнөөдрийг хүртэлх энэхүү 60 жилийн хугацаанд нийт 90 гаруй оронд салбар дэлгүүрээ нээж амжсаны нэг нь Монгол дахь салбар юм. Зайсан Скуэрийн хоёрдугаар давхарт байрших Rinascimento-гийн дэлгүүрээр зочилбол Итали бүсгүйчүүдийг тодорхойлдог элегант, хээнцэр, эмэгтэйлэг стиль бүхий ертөнц угтаж авах ба эндээс залуу охид ч тэр, ахимаг насны эмэгтэйчүүд ч тэр бүгд өөрт таалагдсан загварыг олно. Брэндийн дэлгүүрт яг одоо хавар-зун 2021 цуглуулга ирсэн байгаа нь Италид дөнгөж худалдаалагдаж эхэлж байгаа цоо шинэ загварууд юм. Мөн энэ зуны турш Rinascimento зуны эхэн, дунд болон сүүл үеүдэд зориулсан тусгай цуглуулгуудыг цаг тухайд нь худалдаанд гаргах болно.

Итали эмэгтэйчүүдийн стилийг La Bella Figura хэмээн хамгийн оновчтойгоор тодорхойлдог нь шууд утгаараа “үзэсгэлэнтэй бие галбир” гэж орчуулагдах ч илүү өргөн хэрэглээндээ “сайхан сэтгэгдэл төрүүлэх” гэсэн утгаар ашиглагддаг. Италичуудын ухамсарт гүн суусан энэхүү философи нь биеэ зөв боловсон авч явах манер, аливаа зүйлийн гоо зүйг үнэлэх нарийн мэдрэмж дээр үндэслэдэг тул хувцаслалтын хувьд ч ямагт хээнцэр, сайхан харагддаг уламжлалтай. Тэд энгийн нэг өдөр супермаркет орохдоо ч хүртэл гаднах төрхдөө анхаарал хандуулж өөрсдийн гоо үзэсгэлэнг чанартай, сонгодог загваруудаар тодотгох дуртай. Иймдээ ч загварын маш олон шүтээнүүд Италиас гаралтай байдагт гайхах зүйл үгүй билээ.

Тэгэхээр Итали стилийн нууц юунд оршдог вэ? Хэрхэн өдөр тутамдаа хэрэгжүүлэх вэ? Бид эдгээр асуултад хариулах дэлгэрэнгүй хөтчийг Rinascimento брэндээс бэлтгэн таны 7 өдрийн 7 төрхийг бүрдүүллээ.