Playtime амьд хөгжмийн наадам 2017: Street style. Нэгдүгээр хэсэг

Бюро 24/7 уламжлал ёсоор Playtime амьд хөгжмийн наадмаас шууд сурвалжилга хийж, хамгийн өвөрмөц бөгөөд загварлаг street style дүр төрхүүдийг хүргэж байна.

Үндэсний их баяр наадам өндөрлөж, Монголын амьд хөгжмийн ертөнц дахь хамгийн чухал арга хэмжээ болох Playtime 2017 фестиваль эхэллээ. Амьд хөгжим, загварлаг хувцаслалт, дулаан уур амьсгал, бүтээлч хүмүүсээр дүүрэн байдаг энэхүү наадмын эхний өдөр Escape, Vatame, Mohanik ба Lemons хамтлагууд уран бүтээлээ хүргэж, Henza, Grooby болон бусад DJ нар электро, техно хөгжмөөр үзэгчдийг доргиолоо.

Жил ирэх тусам загварын салбартай салшгүй холбоотой болж байгаа Playtime фестиваль дотоодын street style хувцаслалтын хөгжилд багагүй хувь нэмэр оруулдаг. Тэр тусмаа энэ жилийн наадам дээр олон залуус монгол дизайнеруудын загвараар гоёсон нь үнэхээр сайхан харагдлаа. Тэд сүүлийн үеийн чиг хандлагыг баримтлахын зэрэгцээ үндэсний хэв маягаа хадгалан үлдэж, амьд хөгжмийн уур амьсгалтай төгс ууссан байлаа. Ингээд тод өнгө, кимоно эсгүүр, спорт хэв маяг давамгайлсан шилдэг төрхүүдийг хамтдаа харцгаая.